అక్కడే తప్పు చేశాం.. శాంట్నర్ విచారం

ఫైనల్ లో టీమిండియా అద్భుతంగా ఆడిందని కివీస్ కెప్టెన్ శాంట్నర్ అన్నారు. సొంతగడ్డపై సూర్యకుమార్‌ సేన అద్భుతం చేసిందని, వాళ్లను చూస్తుంటే గర్వంగా ఉందని తెలిపాడు.ఈ టోర్నీలో మా జట్టు ప్రయాణం ఇక్కడి దాకా సాగినందుకు గర్వంగా ఉందన్నారు శాంట్నర్. సూపర్‌-8, సెమీ ఫైనల్లో చక్కగా ఆడామని అన్నారు. ప్రతీ దశలోనూ ఎన్నో ఆటంకాలను అధిగమించి ఫైనల్ వరకు వచ్చామమని, గొప్పగా ఆడిన జట్టు చేతిలోనే ఓడిపోయామని అన్నారు. ముఖ్యంగా ఫైనల్ మ్యాచ్లో పవర్‌ ప్లేలో భారత్ ఒక్క వికెట్‌ కోల్పోకుండా ఏకంగా 90 పరుగుల అసాధారణ స్కోరు నమోదు చేసింది. తాము మాత్రం పవర్‌ప్లేలో దాదాపు 40 పరుగులకే మూడు వికెట్లు కోల్పోయి కష్టాల్లో పడ్డామని శాంట్నర్ అన్నారు. అక్కడే చాలా వెనుకబడి పోయామని, 256 పరుగుల భారీ స్కోరు ఛేదనలో ఇలాంటి పరిస్థితి రావడం అతి పెద్ద సవాలు అని శాంట్నర్‌ పేర్కొన్నాడు.